ﺗﺎﺭﻱ ﺍﻟﻐﺮﺍﻡ ﺑﺤﺮﺍ ﻛﺒﻴﺮ
ﺣﺘﻲ ﺍﻟﺤﻤﻴﺮ ﻋﺎﺭﻓﺔ ﺍﻟﻬﻮﻱ
ﻭﺃﻣﺲ ﺍﻟﻘﺮﻳﺐ ﺟﺎﻧﻲ ﺍﻟﺨﺒﺮ
ﺣﻤﺎﺭ ﺣﺴﻴﻦ ﺑﺎﻳﺖ ﺍﻟﻘﻮﻱ
ﺷﺎﻥ ﻓﺎﺗﺖ ﺍﻡ ﺧﺪﺍ ﺍﺳﻴﻞ
ﻭﺻﺒﺤﺖ ﻣﻔﺎﺭﻗﺔ ﻭﻓﻲ ﻧﻮﻱ
ﻭﺍﻟﺤﻤﺎﺭ ﻳﺒﻜﻲ ﻭﻳﺼﻴﺢ
ﻭﺑﻲ ﺣﺒﻠﻮ ﻓﻲ ﺍﻟﻌﻮﺩ ﺇﺗﻠﻮﻱ
ﺟﺎﺗﻮ ﺍﻟﺪﺣﻴﺸﺔ ﺑﻨﻴﺔ ﺃﺧﻮ
ﻳﺎﻋﻤﻮ ﻳﺎﺥ ﻗﻠﺒﻲ ﺃﻛﺘﻮﻱ
ﺍﻧﺎ ﻋﺎﺭﻓﺔ ﺇﻧﻬﺎ ﺣﺒﺘﻚ
ﻭﺳﻘﻴﺘﺎ ﻟﻲ ﺣﻨﻚ ﺭﻭﻱ
ﻟﻜﻦ ﻛﻤﺎﻥ ﻣﺎﻗﺴﻤﺘﻚ
ﺷﺎﻥ ﺗﺒﻘﻮ ﻓﻲ ﺍﻟﻌﺎﻟﻢ ﺳﻮﻱ
ﺃﺻﻠﻮ ﺍﻟﻐﺮﺍﻡ ﻳﺎﻋﻢ ﻣﺮﺽ
ﺇﻻ ﺍﻟﺼﺒﺮ ﻳﺎﻫﻮ ﺍﻟﺪﻭﺍ
ﻏﺎﻳﺘﻮ ﺍﻟﺤﻤﺎﺭ ﺳﻤﻊ ﺍﻟﻜﻼﻡ
ﻭﺳﻴﻄﺮ ﻋﻠﻲ ﺣﺰﻧﻮ ﺇﺣﺘﻮﻱ
ﺃﻣﺎ ﺍﻟﻌﺠﻴﺐ ﺷﻔﺘﻮ ﺍﻟﺼﺒﺎﺡ
ﻻﻣﻦ ﻟﻘﻴﺖ ﻳﺒﻜﻲ ﺍﻟﺨﺮﻭﻑ
ﺷﺎﻳﻠﻮ ﻟﻲ ﻭﺭﻗﺔ ﻭﻗﻠﻢ
ﺳﺎﺭﺡ ﻳﺴﻄﺮ ﻓﻲ ﺍﻟﺤﺮﻭﻑ
ﻣﺎ ﺍﻟﻨﻌﺠﺔ ﻣﻐﺮﻭﺭﺓ ﻭﺃﺑﺖ
ﻓﻲ ﺍﻟﻤﺮﻋﻲ ﺗﻠﻘﺎﻫﻮ ﻭﺗﺸﻮﻑ
ﻭﻗﺎﻟﺘﻠﻮ
ﺃﻧﺎ ﻋﺎﺭﻓﺔ ﺇﻧﻚ ﺟﺪ ﺣﻨﻴﻦ
ﻭﻗﻠﺒﻚ ﻋﻠﻲ ﺣﺎﻧﻲ ﻭﻋﻄﻮﻑ
ﻟﻜﻨﻲ ﺑﺲ ﺣﺒﻴﺖ ﺧﺮﻭﻑ
ﺇﺧﺘﺮﺗﻮ ﻣﻦ ﺩﻭﻥ ﺍﻷﻟﻮﻭﻑ
ﺁﺳﻔﺔ ﺟﺪﺍ ﻭﺑﻌﺘﺰﺭ
ﻣﺎﻗﺎﺻﺪﺓ ﺃﺷﻮﻛﺸﻚ ﻳﺎﺟﻤﻴﻞ
ﻭﻣﺎﻗﺎﺻﺪﺓ ﺃﺟﺮﺡ ﻟﻠﻘﻠﻴﺐ
ﺃﻧﺎ ﻣﻦ ﺯﻣﺎﻥ ﻋﺎﺩﺍﻙ ﺃﺧﻮﻱ
ﻭﺇﻧﺖ ﺻﺎﺭﻱ ﺗﻜﻮﻥ ﺣﺒﻴﺐ
ﺃﺻﻠﻮ ﺍﻟﻐﺮﺍﻡ ﻣﺎ ﺍﻟﺒﺨﻴﺎﺭ
ﺃﺻﻠﻮ ﺍﻟﻐﺮﺍﻡ ﻗﺴﻤﺔ ﻭﻧﺼﻴﺐ
ﻋﺎﺭﻓﺎﻙ ﻣﺼﺪﻭﻡ ﺃﻋﻔﻲ ﻟﻲ
ﺑﺎﻛﺮ ﺑﺘﻨﺴﺎﻧﻲ ﻭﺗﻄﻴﺐ
ﻣﺎﺍﻟﺪﻧﻴﺎ ﻛﻢ ﺟﺎﺑﺖ ﻧﻌﺎﺝ
ﻓﻴﻬﺎ ﺍﻟﻌﺠﺐ ﻭﻓﻴﻬﺎ ﺍﻟﻌﺠﻴﺐ
ﻭﺑﺘﻠﻘﻲ ﺑﻜﺮﺓ ﻛﻼﻣﻲ ﺻﺎﺡ
ﻭﺗﻠﺒﺲ ﺛﻴﺎﺏ ﺭﻳﺪﺍ ﻏﺸﻴﺐ
ليست هناك تعليقات:
إرسال تعليق