مرحبا" بك عزيزي زائر العبرات تاكد بان ثقتك بنفسك وتقديرك لزاتك ستتيح لك اكتشاف نقاط قوتك ونقاط ضعفك ،

الأربعاء، 21 مارس 2012

امال

لا تروي الظمان قطرة ماء لاكنها تنعش اماله في البقاء علي قيد الحياة 
وانتظار قطرة اخري.

mghhget

تغريد

 كثيرا" ما  تغرد الطيور في الصباح ليس ابتهاجا  ببزوق الشمس
ربما حسرة  علي بداية يوما" جديد شبيه بيوم مضي
 يحمل ارتالا من المتاعب والالم
يوم حلق فيه الحلم خارج سرب الحقيقة والواقع



mghhget

كل الحدود

كل الحدود مرسومة في خديك وصال

بسمة منك يوم جديد

 شمسا بتشرق مرتين

احساسنا بيك احساس مريض بلغ الشفاء

نبضات قليب حزنو اختفي

يانغمة رقصتي الوتر

يانسمة انعشتي  الزهر

يانجمة في افق البشر

يانعمة الشافك شكر 

mghhget

الأحد، 18 مارس 2012

الو ,,,

مافي احلا من اجيك مسكول ترد الو ,,,
يجيك الرد والله كنت مضايق وشامي الوضع! وقلت اتكلم معاك
  يجيك احساس  انو انت في الدنيا لقيت ناس انت ليها سند.

بحت

اجريت بحثا تشريحيا علي من يظن نفسه افضل من غيره بسبب جنسيته او قبيلتة فلم اجد يد زائده ولا قدم  فقط طول في اللسان وضمور في العقل وسواد في القلب

الخميس، 15 مارس 2012

انا بنكرك

انا بنكرك  بنكر خطاي اذا دنت

بقطع لساني اذا انطلق

سطر حروفك او نطق

بنكر عيوني اذا  راءت

ما سمعت اذاني  وبراءت

والدنيا دارك ياقدر

ايامنا لابد تنجلي

 والقصة دارت  من جديد

سحبت  توب هواك  المزدري

والغربة علمتني الاختيار

واخترت بعدك للابد

وانسج فراقك في الخيال

عشان تاني مايكون ليك وصال

لوكان لقاك بجيب فراق

اطيافي تسكن منيتك

وعيوني تبعد من مداي

 ما دايره طلة لدنيتك

mghhget

الاثنين، 5 مارس 2012

القطينة

القلب  يبكي فراقكي من زمن طول شوق
 اليك يالقطينة لاهلي في حيك الاول

طريت حبيبي وطيفه جاني
ساكن روباكي  بحيك الثاني

فتنا بريدك وعشقك نوارث
حياتم فداك ناس حيك الثالث

وكلك محاسن هواك نتابع
نقدس مفاتن في حيك الرابع

وكلك منارات علما تضي المجالس
ومجد العز فيك بحيك الخامس

واهلك كرام وفضلك بارز
والجود رمزا" لحيك السادس

وشجرك كثيف حولك قابع
يرمي ظلاله بحيك السابع

والعين في الروض والقلب امن
ووجه الناس بسما بحيك الثامن

البحر هب نسيمه من شطة الواسع
وانداح الحنين من حيك التاسع

سمع البعيد منك بحسنك الباهر
سلك الطريق الينا لحيك العاشر

والعشق يبقي لباقي الاحياء فيك

وباقي الاحياء فيهم نبض الحنين الفيك

mghhget