حتيهو حتيهو !!

عائشة الفلاتية وام كلثوم -

 في المرحلة الاخيرة من برنامج حتيهو حتيهو ( الكتمات ) العالمي بجدة .

 وطيش الفصل عضو لجنة التحكيم

المتسابقة ام كلثوم تصعد المسرح

طيش الفصل .: انت من ياتو مدينة في مصر

من اسيوط . ياسلام بتعرفي ام فؤاد . نعم

 ودي في حد مابعرفهاش

دا كتبت اغنية يا طبوك في الحاره

طيش الفصل حاتغي لينا شنو الليلة

ام كلثوم : عندي غنية جديدة بسمعكم جزاء منها

تبداء . مسكلي مسكلي بجيك بعدين سيك سيك

طيش الفصل يطلع تلفونو ويجس الرصيد ويتاكد من وجود الرقم عندو

ويقول اغنيه جميلة جدا" يا سلام

ام كلثوم تخش في الاغنية المشاركة بيها

نادوهوش نادوهوش سيك سيك متفوتوش سيك سيك دا عمو حنفي بدفع فلوس يخراااابي سيك سيك

لقيتو مبسوط سيك سيك في قطر اسيوط سيك سيك اديتو بمبا قنب يجوط يا لهههوي سيك سيك

طيش الفصل : يا سلام صوتك جميل ومنمق بس كتري الصولات واختصري الكلمات وربنا يوفقك

الجمهور يصفق رط رط رطرط

المتسابقة عائشة الفلاتية تصعد المسرح

الفلاتية غنية عن التعريف لاكن تقول شنو طيش الفصل لازم يعمل حركاتو ديك

طيش الفصل : انتي من وين في السودان ؟ انا من القطينة لاكن ساكنة الانقاذ . ياسلام الانقاذ فضينا

فيها ايام جميلة بتعرفي اماني كروب ؟ ايوا بعرفه دي الشاعره بتاعتنا

طيش الفصل غنيتي ليها ؟ ايوا غنيت ليها اغنية . امي قالت لي اعزمي الفاره قولت ليها لا الفاره للجاره والجاره شمشاره خليتا محتاره اي دا الشغل دا كدا بس

طبش الفصل والله ابداع شديد يا عشة

عائشة الفلاتية تخش في الاغنية المشاركة بيها

سكه الحديد تررا طبق شديد تررا حتو نبكو حتحيت شديد يا عينيا

حسي انقرش تررا دمعي انحبس تررا ديك لبوه جنب القفص يا عينيا

الجمهور ولجنة التحكيم يرقصو الفقس و يحتو النبق وحالة من الهجيج داخل الصالة .

طيش الفصل : ابدعتي والله ماقصرتي انا لي زمن ما رقصت الليلة اتذكرت شبابي يا حليل زمان وايام ومان

واخيرا" .

باب التصويت والاسئلة مفتوح للجمهور

 لكي نختار الفائزة بالجائزة الاولي لبرنامج حتيهو حتيهو للكتمات
لهذا العام .

انا قايتو بصوت لي لعائشة الفلاتية - انت بتصوت لي منو والي اللقاء

الي ان نلتقي يوم الفرز.

طيش الفصل

الحاجة:
علي الهواء مباشرة" وبدون خسارة رصيد  انت يا ولدي يا طيش الفصل القاعده معاك امس في اللستك بالليل دي منو

طيش الفصل :
دون اي تفكير دا منتصر صحبي

الحاجة :
اجي يا ولدي انا ما بسمع ولا ما بشوف  دي بت  انا شايفه التوب وسامعة الصوت
بس ما عرفتها شكلها ما من الحلة دي

طيش الفصل :
بتخيل ليك ساي يامي قولي بسم الله بت شنو كمان

الحاجة :
ياولدي الله ماتبطل البتعمل فيهو دا  خليني النشوف ليك بت حلال نعرسه ليك كان الله يهدك ويصلح حالك بدل ال....

طيش الفصل :
والله يا امي انا كان قمت للعرس  بعملا ليك مفاجئة

الحاجة  :
نحي ونشوف

وبعد عدة ايام  وطيش الفصل يحضر في الاكشن باب الحوش يدق صوت خافت كان شيئا" ما يداعبه

طيش الفصل :
دا منو الفي الباب  الهدؤ يعم المكان دا منو ويرجع تاني الباب يدق  سيك يفتح الباب اها في شنو

مرة الراجل :
قول لي اتفضلي

طيش الفصل :تتفضلي وين انت بتجيبي لي هواء

مرة الراجل :
انا شايفة ناس البيت كلهم طلعو انشاء الله خير
طيش الفصل  :
خير  مشو بيت السماية خلاص قدي  يلا

مرة الراجل  :
تدخل  طق طرق طق طرق صوت اللبانه وخطوات المشي في تناغم وانسجام
تقلع التوب كانها في بيت ابوها (قوة عين)

طيش الفصل :
 يتفرج

مرة الراجل  :
مرايتكم حلوة  تقف امامها وتتمكيج

طيش الفصل :
في شد وجذب مع وسواسه

وفجاءة الباب يفتح  وحالة من الارتباك

الحاجة  :
تدخل  ياولد نسيت شنططي  جنب المراية جيبا

طيش الفصل :
يخطف الشنطة ويجري نحو الحاجة  والحاجة تستلم الشنطة وتتجه نحو الغرفة  في شنو تاني يامي

الحاجة :
دمنو دي كمان الراقده دي  - دي واحدة كدي  - واحده كيف يعني

طيش الفصل :
يتكيس دي  دي دي 

الحاجة  :
 الددو اليشقك  انت يا ولد عمايلك ال.....  ......  ما بتخليها  الليلة  الا اوريك  ، تتحدث الي الجيران يا محاسن  عليك الله  اديني رقم
فلانة مرة المازون

طيش الفصل  :
ماذون شنو يا امي  الحاجة مصرة الليلة عقد بس عشان اوريك المفاجئة زاته  - يا مي  دي عندها ولدين عقد شنو  - الحاجة ما بعرف والله  الليلة - يامي روقي المنقة -يامي دي مرة راجل  -الحاجة مرة راجل يعني راجلا ارجل منك
الماذون  :
 محمود حامد . يشرع في توثيق العلاقة الغير شرعية ويتناول قطعة من البلح  والحلوة - ويستلم اتعابة  -  والزغاريد  تملا البلد -ومرة الراجل ولا يهمها
وطيش الفصل في حيره من امره  وانا هسي ركبت ماسورة وروني بس اعمل شنو ؟